Innmelding til Familieteam og Ungdomsteam

Familieteamet i Bjørnafjorden kommune er eit gratis lågterskeltilbod til barn og unge opptil 18 år og familiar som strevar med ulike problemstillingar knytt til psykisk helse, trivsel og samspel. Familieteamet gjer ei fagleg vurdering av kven frå familien som skal møte til samtalane, avhengig av barnet sin alder, problemstilling og familiesituasjon. Dei samarbeider òg med andre tenester i kommunen når det er hensiktsmessig, slik at ein kan hjelpe best mogleg. Familieteamet tar utgangspunkt i det som familien eller den enkelte opplever som vanskeleg, og legg ein plan for det vidare arbeidet.

Familieteamet tilbyr samtalar og rettleiing til barn, unge og føresette i ein tidsbestemt periode.

Familieteamet består av familierettleiarar og kommunepsykologar.

Ungdomsteamet i Bjørnafjorden kommune består av tilsette med miljøterapeutisk kompetanse knytt til ungdomsoppfølging. Ungdomsteamet driftar Ung arena og deltek på Fjord’n Arena

Målgruppa for ungdomsteamet er ungdom mellom 13 og 20 år som strevar med utfordringar knytt til skulekvardag, fritid, trivsel og psykisk helse.

Ungdomsteamet tilbyr gruppeoppfølging i skuletid, individuell oppfølging etter avtale, miljøterapeutisk arbeid på ungdomsskule og miljøterapeutisk arbeid på Ung Arena / Fjord'n Arena.