Interesseskjema for deg som vil vera kandidat til
- meddommar i tingretten
- meddommar og lagrettemedlem i lagmannsretten
- jordskiftemeddommar
- skjønnsmedlem
for Bjørnafjorden kommune i perioden 01.01.2021- 31.12.2024
Kven kan bli meddommar?
Domstollova stiller krav til kven som kan veljast. Du må vera mellom 21 og 70 år, ha stemmerett og kunne veljast til kommunestyret. Du må vera norsk eller nordisk statsborgar eller vera innført i folkeregisteret som busett i Noreg dei siste tre åra. Du kan ikkje vera under offentleg gjeldsforhandling eller konkursbehandling eller i konkurskarantene, sjå domstolslova § 70.
Det er òg eit vilkår at du snakkar og forstår norsk. Vidare blir det stilt visse krav til at du har vore lovlydig, sjå domstollova § 72 .
Nokre stillingar i det offentlege utelukkar deg frå å vera meddommar, sjå domstolslova § 71.
Her kan du lesa meir om meddommarordninga.
Merk at ingen kan veljast både til lagmannsretten og tingretten. Du kan melda deg som kandidat til begge, men kan berre veljast til ein av dei.
Personar som vert valde til lagmannsretten eller tingretten er valbare også som meddommarar til jordskifteretten og som skjønnsmedlemer. Skjønnsutvalet er felles for tingretten, lagmannsretten og jordskifteretten.