Søknad om skjenkeløyve: Sal og servering av alkohol
Dette skjemaet gjeld for personar eller verksemder som ønskjer å drive serveringsstad som sel alkoholholdig drikk. Skjenkeløyve vert gitt for maksimum fire år om gongen.
Les meir om regelverket og Bjørnafjorden kommune sine retningsliner for skjenkeløyve her.
For å fylle ut skjemaet treng du:
- Ditt (løyvesøkjar) namn, fødselsdato og kontaktopplysningar.
- Type løyve du søkjer om (nytt, overtaking, endring).
- Dato du søkjer om løyve frå.
- Namn og adresse til serveringsstaden.
- Driftsselskapet sitt organisasjonsnummer.
- Selskapsform (AS, enkeltpersonsføretak).
- Namn og fødselsdato til dagleg leiar.
- Har dagleg leiar avlagt etablerarprøva? I kva år og kommune?
- Skjenkestyrar og avløysar for skjenkestyrar sitt namn, fødselsdato og adresse. Har skjenkestyrar/avløysar avlagt kunnskapsprøva? I kva år og kommune?
- Namn, fødselsdato og adrese til styreformann i driftsselskapet.
- Eigartilhøva i driftsselskapet.
Vedlegg til søknaden:
- Firmaattest.
- Skatteattest for driftsselskapet.
- Adkomstdokument (leigekontrakt eller anna dokument som stadfestar at du disponerer lokalet til det bruk som det vert søkt om).
- Teikning av inneareal der skjenkeareala er skravert.
- Teikning/plan for uteserveringa, med grunneigar si godkjenning påteikna.
- Vitnemål som stadfestar at styrar og avløysar har bestått kunnskapsprøve om alkohollova.
- Stadfesting av at dagleg leiar har bestått etablerarprøva.
- Tilsettingsbevis/dokumentasjon som viser styrar og avløysar si tilknyting til serveringsstaden.
- Bruksløyve/ferdigattest frå byggesaksavdelinga i Bjørnafjorden kommune.
Kva skjer etter at søknaden er sendt inn?
Når du har fylt ut og sendt inn søknaden, blir han sendt elektronisk til behandling i Bjørnafjorden kommune. Du vil få svar innan tre veker.
Klage og innsyn
Du har som hovudregel rett til innsyn i saksdokumenta. Dersom du vil klage på eit eventuelt avslag på søknaden, kan du sende skriftleg klage til Bjørnafjorden kommune, postboks 24, 5649 Eikelandsosen.
Vi vil då vurdere saka på nytt. Dersom du ikkje får medhald eller klaga blir avvist, blir saka sendt vidare til neste klageinstans for endeleg avgjerd.
Klaga må vere sendt innan tre veker etter at du har mottatt vedtaket.